भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

नेपाली जनता / विवश पोखरेल

Kavita Kosh से
यहाँ जाएँ: भ्रमण, खोज

कतैकेही हराएजस्तो
कता–कता
आफू आफैसँग डराएजस्तो
तपाईंकै देशको—
नागरिकजस्तो लाग्ने
एउटा अनुहार
भर्खरै गाउँबाट सहर पसेको छ
नडराउनुहोला—
ऊ विरोध बोल्दैन
बोल्नै नसक्ने गरी उसको जिब्रोमा
दुर्भाग्यको कालो सर्पले डसेको छ
तपाईं अवश्य चिन्नुहुन्छ
सम्भवतः ऊ—
तपाईंकै प्रतिचित्र हो
जो—
विश्वासको चौतारीमा अझै
आश्वासनको छाता ओढेर बसेको छ ।