भारत की संस्कृति के लिए... भाषा की उन्नति के लिए... साहित्य के प्रसार के लिए
पड़ रैयी है पार / नीरज दइया
Kavita Kosh से
फूलां री सौरम लियां पछै
भगवान रै नीं चढाइजता हा फूल।
बखत बखत री बात है
अबै किसै फूल माथै करां भरोसो
जे फूल बोलतो-बतळांवतो
अर कैवतो कै- ’म्हैं चढावणजोग हूं।’
तो करतो किंयां थूं पतियारो
जद कै थूं खुद ई, नीं बताय सकै
कै गीता री सौगन खायं पछै
कुण-कुण बोलै है- सांच!
ठीक है भायला!
पड़ रैयी है पार
भगवान कीं नीं बोलै
अर जे बोलै ई तो, कांई बोलै-
फूलां सारू?
