भारत की संस्कृति के लिए... भाषा की उन्नति के लिए... साहित्य के प्रसार के लिए
पै‘लापै‘ल (4) / सत्यप्रकाश जोशी
Kavita Kosh से
आज जमना रै सगळै कांकड़
डांडी रै माथै
मुळकती मिमजरियां
जांणै म्हारी मांग रौ चितरांम।
पण पै‘लापै‘ल
म्हारी मांग सजावण नै
अमर सुहाग रै खातर
थूं मिमजरियां रा मोती लायौ,
तद म्हैं छळगारी लाज रै फरमांण,
माथौ ऊंचो कर लीनौ ;
डांडी डांडी मिमजरियां रळगी,
कांकड़-कांकड़ मोती रळग्या।
