भारत की संस्कृति के लिए... भाषा की उन्नति के लिए... साहित्य के प्रसार के लिए
प्रतीक्षा / ककबा करैए प्रेम / निशाकर
Kavita Kosh से
अहीं उषाक प्रतीक्षा
नहि करै छी
उषो अहाँक प्रतीक्षा करैत अछि।
अहीं चन्द्रिकाक प्रतीक्षा
नहि करै छी
चन्द्रिको अहाँक प्रतीक्षा करेत अछि।
अहीं मौसमक प्रतीक्षा
नहि करै छी
मौसमो अहाँक प्रतीक्षा करैत अछि।
अहीं घरक प्रतीक्षा
नहि करै छी
घरो अहाँक प्रतीक्षा करैत अछि।
अहीं अवसरक प्रतीक्षा
नहि करै छी
अवसरो अहाँक प्रतीक्षा करैत अछि।
