भारत की संस्कृति के लिए... भाषा की उन्नति के लिए... साहित्य के प्रसार के लिए
प्राण-1 / कुंदन अमिताभ
Kavita Kosh से
कहाँ बसै छौं तोरऽ प्राण
तोंही कहेॅ पारऽ
तोरऽ हम्में केना कहेॅ पारभौं
बोल्हो तेॅ सही
कहाँ बसै छौं तोरऽ प्राण
देखऽ चुप्प रहै के हिसकऽ
ठीक नै
बोल्हो तेॅ सही खकसी केॅ
कहाँ बसै छौं तोरऽ प्राण
रावण नाकी घमंड में
कंस नाकी लोभऽ में
दुर्योधन नाकी हठऽ में
या फेरू बसै छौं तोरऽ प्राण
राम नाकी मर्यादा में
किशन नाकी
जीवन केरऽ सुन्दरता में
गाँधी नाकी परदुःखहरता में
