भारत की संस्कृति के लिए... भाषा की उन्नति के लिए... साहित्य के प्रसार के लिए
फर्किन्न भन्लान् झण्डाहरु / राजेश्वर रेग्मी
Kavita Kosh से
फर्किन्न भन्लान् झण्डाहरु नझुकाउनू भनिदिनू
परदेशी भयो भनेर मन नदुखाउनू भनिदिनु
‘अनुपमा’ शायद दुई जीउकी भएकी होलिन्
हाम्रो सम्बन्ध बुबा, मुमालाई नलुकाउनू भनिदिनू
हाँसिरहनू ओठ, कहिल्यै मनमा नराख्नू पीडा
मलाई सम्झदै बारम्बार नसु“क्सु“काउनू भनिदिनू
गुमाएर एउटालाई सहर कहाँ शून्य भइहाल्छ र ?
गाउनू निर्धक्क खुशीको गीत गुन्गुनाउनू भनिदिनू
दुर्घटनामा परिनँ भने निश्चय नै म फर्किहाल्छु
राख्नू, गुनासा र बह एल्यै नरित्याउनू भनिदिनू
