भारत की संस्कृति के लिए... भाषा की उन्नति के लिए... साहित्य के प्रसार के लिए
बन्दौं छत्तीसगढ़ मईया मईया / शकुंतला तरार
Kavita Kosh से
मईया छत्तीसगढ़ के पइयाँ लागौं मैं जी
हो पइयाँ लागौं मैं जी
हाथ जोरे बिनती मोरे
तुंहला भावौं मैं जी
बन्दौं छत्तीसगढ़ मईया
राजिम रतनपुर अउ सबरी नरायन
हो सबरी नरायन
अरपा पैरी इंदराबती तिरबेनी जाएन
बन्दौं छत्तीसगढ़ मईया
इही हमर गंगा इही हे गोदावरी
होइही हे गोदावरी
इही हमर बिंदराबन अउ इही हमर कासी
बन्दौं छत्तीसगढ़ मईया
करमा,ददरिया, पंथी, सुवा, पंडवानी
हो सुवा, पंडवानी
लोरिक-चंदा, सैला, भरथरी आनी-बानी
बन्दौं छत्तीसगढ़ मईया
समलाई, बमलाई, महामाई, दंतेसरी
हो माई दंतेसरी
चन्दरसेनी, कंकालीन, छत्तीसगढ़ महतारी
बन्दौं छत्तीसगढ़ मईया
कटिस गुलामी दुरिहाईस अंधियारा
जी भागीस अंधियारा
सुतंत्रता के अंजोरी बगरगे घर पारा
बन्दौं छत्तीसगढ़ मईया
भागिन फिरंगी जी सुन के गरजना
जी सुन के गरजना
लहर-लहर लहराईस भारत मा तिरंगा
बन्दौं छत्तीसगढ़ मईया
