बन्नी के नहाने का गीत / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

बनड़ी नहाय धोय बैठी बाजोट कांई आमण घूमणो।
बनड़ी कांई मांगे गल हार, कांई दांत्यो चूड़लो।
म्हे तो नहीं मांगा गले हार, कांई दांत्यो चूड़लो।
बनड़ी न्हाय धोय बैठी, बाजोट उणमण धुन में।
बनड़ी कांई मांगे चन्द्र हार, कांई दांत्यो चूड़लो।
म्हे तो नहीं मांगा चन्द्र हार नहीं दांत्यो चूड़लो।
म्हे तो मांगा साजनिया रो साथ वे म्हारे चित्त चढ़े।
बनड़ी पीठड़ली दिन चार रूच रूच मसल्यो।
बनड़ी जिमणियां दिन चार रूच रूच जीमल्यो।
बनड़ी मेंहदड़ली दिन चार हाथां रचाल्यो।
बनड़ी काजलिया दिन चार नैणा रचाल्यो।