भारत की संस्कृति के लिए... भाषा की उन्नति के लिए... साहित्य के प्रसार के लिए
बरखा बहार फूल कली की चमन की बात करैं / मदन मोहन शर्मा 'अरविन्द'
Kavita Kosh से
बरखा बहार फूल कली की चमन की बात करैं
सुधि भूल जायँ और सलोने सपन की बात करैं
उथले भए लखात सबै रीत-प्रीत के धारे
कित जाय बुझै प्यास कहाँ आचमन की बात करैं
हँसि कैं उतार देत अचक पीठ में छुरी गहरी
सूधे रहे न लोग निरी बाँकपन की बात करैं
बिखरे तमाम पंख जमाने के जाल में जिनके
सपनौ जिनैं उड़ान कहा वे गगन की बात करैं
यजमान की कमी न पुरोहित की तौ पै ध्यान रहै
उनके जरैं न हाथ कहूँ जो हवन की बात करैं