भारत की संस्कृति के लिए... भाषा की उन्नति के लिए... साहित्य के प्रसार के लिए

बान्होॅ-बान्होॅ कन्हैया केॅ / राजकुमार

Kavita Kosh से
यहाँ जाएँ: भ्रमण, खोज

बान्होॅ-बान्होॅ, कन्हैया रोॅ गोड़ केॅ
फेनूँ भागल्हौं, मटुकिया ऊ फोड़ केॅ

एक तेॅ नैना कटार
दोसर मुस्की के मार
तेसरोॅ हाँसै छौं, बहियाँ मरोड़ केॅ
बान्होॅ-बान्होॅ, कन्हैया रोॅ गोड़ केॅ

तोरोॅ बेटा छौं चोर
दै छौं आगिन केॅ खोर
मोरपंखी नजरिया, छौं ओढ़ कॅे
बान्होॅ-बान्होॅ, कन्हैया रोॅ गोड़ केॅ

हियरा दै छौं हिलोर
कसक हुवै पोरे-पोर
देखोॅ भागल्हौं, बँसुलिया छोड़ केॅ
बान्होॅ-बान्होॅ, कन्हैया रोॅ गोड़ केॅ

धरी लीला रोॅ डोर
मैया यशोमति विभोर
‘राज’ पुलकित मन, पोंछै छै लोर केॅ
बान्होॅ-बान्होॅ, कन्हैया रोॅ गोड केॅ