भारत की संस्कृति के लिए... भाषा की उन्नति के लिए... साहित्य के प्रसार के लिए

बापू लेलि / माँटी हिन्दुस्तान के / राहुल शिवाय

Kavita Kosh से
यहाँ जाएँ: भ्रमण, खोज

सदा सिखैलौ सत्य अहिंसा
बिना चाहने खुद के प्रशंसा
बापू सौंसे विश्व केॅ तोंही
सत्याग्रह केॅ मार्ग देखैलौ
सत्यमेव जयते सिखलैलौ ।

सबके राम के अर्थ बतैलौ
ईश्वर-अल्ला केॅ समझैलौ
किरणोॅ के बंधन काटी केॅ
घना अन्हरिया दूर भगैलौ
सत्यमेव जयते सिखलैलौ ।

सत्य केॅ रहलौ तों अनुगामी
बार-बार भेलौ कारागामी
जीवन के हर मोड़ पेॅ बापू
सदा अहिंसा केॅ अपनैलौ
सत्यमेव जयते सिखलैलौ ।

सदा देश के खातिर लड़लौ
सबके तोहें अपनोॅ कहलौ
भारत माता के खातिर ही
राम नाम कही प्राण गवैलौ
जत्यमेव जयते सिखलैलौ ।

रचनाकाल- 2 अक्टूबर 2012