भारत की संस्कृति के लिए... भाषा की उन्नति के लिए... साहित्य के प्रसार के लिए
बिरथा जळम गंवायौ / प्रमोद कुमार शर्मा
Kavita Kosh से
आखर हो
भाखर बण‘र रहग्यौ !
जे कर होंतो संत कोई
नित रा बाग सजांतौ
जे कर होंतो परन्तं कोई
गीता नै अरथान्तौ !
जळम्यौ माटी ढोण
म्है झालर बण‘र रहग्यौ !
हो धरम रौ बीज
धरम नै पायौ नीं म्है
रह ग्यौ बंजर भौम
करम निपजायौ नीं म्है !
भूतां रै गांवां रो
ठाकर बण‘र रहग्यौ !
आखर हो .....
भाखर बणं‘र रहग्यौ !
