बिसारण सां जे विसरे हा त दिल में प्यारु छो थिए हा / अर्जुन ‘शाद’

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अर्जुन मीरचंदाणी 'शाद' » धरतीअ जो दर्द »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बिसारण सां जे विसरे हा त दिल में प्यारु छो थिए हा
तमन्ना जे हुजे हा वसि, त मूंखे सार छो थिए हा!

आ जेसीं दिल, मुहबत बिन रहणु किअं थिये भला मुम्किन
वर्हियनि जो न त सुतल जज़्बो वरी बेदार छो थिए हा!

हवस नाहे, मुहबत नाहि, दिल में छाहि? किअं समझां
मिलण जी चाह आहे न त जीअणु दुश्वार छो थिए हा!

मुहबत जो हुयो ग़ल्बो, न सोचियुमि कुझु चवां छा थो
चवां हा कुझु सलीके सां त पो इनकार छो थिए हा!

अखियूं अटिकियूं हुयूं हुन जूं, न दिल अटिकी हुयसि शायद
ॾियां हा दिल जे कुझु तरिसी त ही आज़ार छो थिए हा!

इशारो गुलबदन जो ‘शाद’ अहिड़ो दिल छिकींदड़ हो
असांजी राह हूंअ पुरखार न त गुलज़ार छो थिए हा!