बिहानी घाम गोरेटो हुँदै चुलीमा पुगेर / म. वी. वि. शाह

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

म. वी. वि. शाह » फेरि उसैको लाग»

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

बिहानी घाम गोरेटो हुँदै चुलीमा पुगेर
हिमाल ढाक्यो मुसुक्क हाँसी सुनौला परेर

त्यो घरको मान्छे हातमा लौरो हल्लाई ओर्लेर
फुकाई दाम्ली आउन थाल्यो पनेरो ताकेर
हिमाल ढाक्यो मुसुक्क हाँसी सुनौला परेर

दतिवन भाँची हातमुख धोई पवित्र बनेर
अँजुली पानी चढाई वरी सूर्यलाई हेरेर
हिमाल ढाक्यो मुसुक्क हाँसी सुनौला परेर

त्यो ढुङ्गामाथि थचक्क बसी सुसेली हालेर
गोरटो ढुक्यो बाख्राको पाठो काखमा च्यापेर
हिमाल ढाक्यो मुसुक्क हाँसी सुनौला परेर

गाईगोठ सोरी त्यो घर्ती कान्छी आइन् निस्केर
सिम्रिक टीको आँखामा गाजल गुराँस सिउरेर
हिमाल ढाक्यो मुसुक्क हाँसी सुनौला परेर