भारत की संस्कृति के लिए... भाषा की उन्नति के लिए... साहित्य के प्रसार के लिए
बूढानीलकण्ठ / अविनाश श्रेष्ठ
Kavita Kosh से
भगवान् !
तिमी यहाँ आएर निदाइरहेका छौ !
उता सहरमा के-के भइसक्यो
थाहा छ तिमीलाई ?
खेतबारीहरूलाई त्यता घरैघरले ढाकिसके
धाराहरु त्यहाँ मरूहिटीमा फेरिइसके
विष्णुमती र बागमतीको ठाउँमा अचेल
फोहोर लेदोले लबालब
दुर्गन्धित दुइटा नालाहरू घस्रन्छन्
अजिङ्गर झैँ ।
भगवान् ! रिपभ्यान विङ्कल झैँ
कुनै दिन जब तिमी ब्युझनेछौ
यो सहरको ठाउँमा देख्नेछौ
पसारिएको एउटा मुर्दा सहर
खण्डहरै-खण्डहरको निर्जीव विस्तार ।
भगवान !
तिमी यहाँ आएर निदाइरहेका छौ !
