भारत की संस्कृति के लिए... भाषा की उन्नति के लिए... साहित्य के प्रसार के लिए
बेटी के सोहर / सतीश मिश्रा
Kavita Kosh से
मट्टिया के ढेला निअन चान चननिया के बिना जइसे हे
गुइयाँ ओइसे बिना धीया सूनसान अँगनवाँ बीरान लगे हे।
बड़-बड़ भाग धीआ जनमे त कीआ-चूड़ी खनकऽ हे हे
गुइयाँ लछमी जी ले हथ अवतार करम तब चमकऽ हे हे।
झाँसी के रानी लछमीबाई,इन्दौर के अहिल्या बाई हे
गुइयाँ पार्वती, गौरी, देवी दुर्गा के धीआ में निवास हो हे हे।
धीया-पूता जब बोलल जाए त धीया पहिले बोलल जाए हे
गुइयाँ उहे देवता करथ बिहार कि धीया जहाँ आदर पावे हे।
पित्तर के थरिया बजावहू पितर के बतावहू हे
गुइयाँ धनधन भाग धीया जनमल, सोहर गावहू हे।
