भारत की संस्कृति के लिए... भाषा की उन्नति के लिए... साहित्य के प्रसार के लिए
बेवफ़ा कंहिं खे चऊं, कंहिं खे वफ़ादार चऊं? / अर्जुन ‘शाद’
Kavita Kosh से
बेवफ़ा कंहिं खे चऊं, कंहिं खे वफ़ादार चऊं?
यार खे यार चऊं या असीं अग़यार चऊं?
कंहिं जे दिल खे ॾिसण जी काई तजवीज़ हुजे
चश्म तिलिसम खे न भुलिजी बि हयादार चऊं!
जेको नशे में ॿियनि जे थो प्यालनि खे लुटे
बज़्म मासूम जो छा तंहिं खे बि मेख़बार चऊं?
तुंहिंजी हरबात लपेटियल त हुई फूलनि में
गुलफ़शानीअ खे छा पहुणनि संदी बसकार चऊं?
जंहिं खे गुलशन जी नज़र तंहिं खे वणे जे सहरा
तंहिं खे नादान चऊं या कि समझदार चऊं?
अजज़ सूंहें थो, न सूंहें थी गिरावट सिर जी
तुंहिंजे कदमनि में किरण खे छा असीं प्यार चऊं?
थे मिठीअ हीर बि तूफान लिकायो शायद
हो बनावट ते ॿधलु इश्क़ जो इज़हार चऊं?
