भारत की संस्कृति के लिए... भाषा की उन्नति के लिए... साहित्य के प्रसार के लिए
बो अर म्हैं / निशान्त
Kavita Kosh से
जणां-कणां
म्हैं
खुद नै
दुखी मानूं
पण जद बींनै देखूं तो
खुद नै साफ झूठो जाणूं
बो म्हारै सायनौ है/अर म्हारै दोनां रो अेक धंधो
म्हैं घरे रैवूं
‘फैमिली’ में
पण बो है परदेसी
अठै अेकलो रैवै
म्हारै सूं घणों खपै
पण फेर ई
नीं देख्यो बीं ‘नै
कदे उदास
बीं रीं रंगत देखतां
नीं लागै कै
बो रोवतौ हुसी कदे
ओलै-छानै।
