भानुभक्त / तुलसीबहादुर छेत्री
१. छ भक्तिपूर्ण सम्झना।
सुभक्त भानु-भक्तको।।
२ समाज दीन-हीन थ्यो अयोग्य अन्धकारमा
समस्त छिन्न-भिन्न थ्यो विलुप्त जीतहारमा।
सुशान्तिको नयाँ छटा नवीन भान देखियो
र काट मार लूटको विचित्र चित्र पल्टियो।।
३. छ भक्तिपूर्ण सम्झना।
सुभक्त भानु-भक्तको॥
४. पढेर गाउँदै सबै सुप्रेम राग मस्त भै।
नवीन मार्गमा हिँडे मिलाई हात एक भै।
सुदीर्घ गीत-रागले पहाड खण्ड गुन्जियो
महान शक्ति जाग्न गो सुनेर राम नाम त्यो।
५. छ भक्तिपूर्ण सम्झना
सुभक्त भानु-भक्तको॥
६. समूल काण्ड हौ तिमी सदैव उच्च आश ली
खपेर घाम औ झरी बढ्यौ र आज हर्ष ली।
सुवृक्ष मौलियो यहाँ अनेक रङ्ग फैलियो
नवीन पालुवाहरू बढेर आज पुष्ट भो।
७. छ भक्तिपूर्ण सम्झना
सुभक्त भानु-भक्तको॥
८ हजार कोपिला फुले. अनेक पुष्प फक्रिए
सुवृक्ष एक पो थियो सहस्र राग गुन्जिए
स्वजाति धर्म कर्मको महत्व आज बढ्न गो
असार जन्म सार्थ भो स्वदेश प्रेम जाग्न गो।
९. छ भक्तिपर्ण सम्मना ।
सुभक्त भानुभक्तको॥
१०. सुकर्म ऐक्य प्रेमको र शुद्ध मार्ग त्यागको
रहन्छ याद चित्तमा सुनेर शुद्ध नाम त्यो।
तसर्थ सम्झना सधैँ रहन्छ भानुभक्तको
मनुष्य भै मनुष्यता कहाँ गुमिन्थ्यो बन्धु हो?
११. छ भक्तिपूर्ण सम्झना।
सुभक्त भानुभक्तको॥
