भारत की संस्कृति के लिए... भाषा की उन्नति के लिए... साहित्य के प्रसार के लिए

भारत दुर्दशा/ अनिरुद्ध प्रसाद विमल

Kavita Kosh से
यहाँ जाएँ: भ्रमण, खोज

भारत दुर्दशा हो रामा, आँख खोली देखै रे दैवा,
छर-छर गिरै आँखी सें लोर न रे दैवा ।

कोनटा-ओहारी हो कानै, माथोॅ मैया आपनोॅ रे धूनै,
कानी-कानी मैयो भेलै बेजान न रे दैवा ।

देशोॅ के बेटैं हो लूटै, लड़ी-लड़ी आपस में फूटै,
घरेॅ-घरेॅ बिलटै ईमान न रे दैवा ।

देशोॅ के सपूत हो सुतलोॅ, शिक्षक विद्वानों हो सुतलोॅ,
जागें-जागें ! भेलै आबेॅ भोर न रे दैवा ।

ओढ़ी लेवै हरी-हरी चुनरी, माथा बान्हवै केशरिया बाना,
मातृभूमि लेॅ होवै बलिदान न रे दैवा ।