भारत देश महान / ब्रह्मदेव कुमार
हमरोॅ ठै भारत देश महान गे बहिना
हीरा ऐसन भारत देश।
विश्वगुरू भारत के महिमा सेॅ, भरलोॅ छै इतिहास गे
ऋषि-मुनि के वेद-मंत्र सेॅ, गुँजै धरती-अकाश गे।
दिग-दिगन्त मेॅ फैललै ज्ञान प्रकाश गे बहिना
हीरा ऐसन भारत देश।
तमिलनाडू कर्नाटक केरल, गोवा-आन्ध्रप्रदेश गे
महाराष्ट्र गुजरात उड़ीसा, बंगाल-मध्यप्रदेश गे
उŸारप्रदेश दिल, हृदय बिहार प्रधान गे बहिना।
हीरा ऐसन भारत देश।
राजस्थान असम मेघालय, आरो प्रदेश हिमाचल गे
सिक्किम लागालेंड मिजोरम, प्रदेश अरूणाचल गे।
चमकै जम्बू-कश्मीर स्वर्ग समान गे बहिना
हीरा ऐसन भारत देश।
त्रिपुरा मणिपुर मद्रास मैसूर, हरियाणा-पंजाब गे
दादरा पाण्डिचेरी दमनदीप, अंडमान-लक्षदीप गे।
चण्डीगढ़ आरो दिल्ली, जीव आरो प्राण गे बहिना
हीरा ऐसन भारत देश।
पूरब मेॅ बंगाल के खाड़ी, पश्चिम मेॅ पाकिस्तान गे
हिछन महासागर दक्षिण में, उŸार मेॅ नेपाल गे।
हिमालय से निकलै गंगा के धार गे बहिना
हीरा ऐसन भारत देश।
