भारत की संस्कृति के लिए... भाषा की उन्नति के लिए... साहित्य के प्रसार के लिए
भुइँ टेकेर बाँच्नेहरू - २ / रेमिका थापा
Kavita Kosh से
'मालिक नगर ' नाम परेको बस्तीमा
खेतीवालाहरूको खैलाबैला !
रत्नमाया लिम्बुनीको सात पुस्ताअघिका पूर्खाले रोपेको
बाक्लो छायाँदार वरपीपलको शानदार पाखुरामा
अचानक कसले झुण्ड्यायो
यो बडेमानको होर्डिङ- ' मालिक नगर '।
मालिक को हँ ?
को ?
आफ्नै आँगनमा, आफ्नै पौरखले
आफ्नै निधारमा
झुण्डाइबस्नु यो बीऊ मास्ने
विज्ञापन ?
खेतीवालाहरूको बस्तीमा
कानेखुशी, खस्याकखुसुक, चलहलपहल ।
बहसको समय आउला ?
