भारत की संस्कृति के लिए... भाषा की उन्नति के लिए... साहित्य के प्रसार के लिए
भौजीक अवाहन / कालीकान्त झा ‘बूच’
Kavita Kosh से
कौआ माँझे घर बड़ेरी पर भोरे सँ कुचड़ै
भौजी अबिते हेती राॅची सँ सगुन उचडै़
अपने भैया भात पसौलनि,
हमरो सँ किछु काज करौलनि,
बारी सँ तिलकोर पात किछु आनै ‘बूच’ रै
दुःखी मोन केॅ पोटि रहल छथि,
काॅच दालि केॅ घोटि रहल छथि,
पुरूखो हाथे दलिघोटना वर बढ़िया उसरै
जल्दी - जल्दी केश छटौलनि,
गुलुरोगनक तेल लगौलनि,
दहिन आँखि फड़कै छनि लागथि बर खुश रै
भौजी औती ई रूसि रहता,
नोरे मे सभ व्यथा सुनौता,
हिनका खातिर आबि रहल छनि लेमनचूस रै
