भारत की संस्कृति के लिए... भाषा की उन्नति के लिए... साहित्य के प्रसार के लिए

मजलां मारै हेलौ / वाज़िद हसन काज़ी

Kavita Kosh से
यहाँ जाएँ: भ्रमण, खोज

पाणी
बैवै ऊपरां सूं नीचै
चुपचाप
बणावै आपरौ मारग खुद
आवौ भलैई कितरा ई अटकाव

पण
करै लगौलग आपरौ काम
अर पूग जावै
आपरी मंजळ तांई

के
सूख'र मेट देवै
आपरौ अेनांण

देवै सीख मिनख नैं
चुपचाप लगौलग
आपरौ काम करियां ई
मिळै मंजळां
अर मिटती जावै अबखायां

आपौ आप
तौ पकड़ गैलो
मंजलां मारै हेलौ।