भारत की संस्कृति के लिए... भाषा की उन्नति के लिए... साहित्य के प्रसार के लिए
मतदान करोॅ / राजकुमार
Kavita Kosh से
मतदान करोॅ, मतदान करोॅ
मत के अपनोॅ, सम्मान करोॅ
कल रोॅ भविष्य तोर्हैं पर छै,
समझी-बूझी, पहचान करोॅ
मतदान करोॅ...
ऐलोॅ छौं बारी, आय तोरोॅ
खेलै के पारी, आय तोरोॅ
पल्ला में तोरे, गेन आय,
मुट्टी मँ गाड़ी, आय तोरोॅ
पानी-पानी, बदरंग भेलोॅ,
पानी के छानी, पान करोॅ
मतदान करोॅ...
मत अपनोॅ दिहोॅ, दिलइहो भी,
घर-घर में अलख जगइहो भी,
मत की होय छै, मत के मतलब
मतदाता के समझइहो भी,
मन के अनुकूल बटन दाबी,
पूरा अपनों अरमान करोॅ
मतदान करोॅ...
ई महापर्व जनतंत्रोॅ केॅ
सुर, लोकतंत्र रोॅ मंत्रों केॅ
उत्सव-उमंग जन-गन-मन रोॅ
सुन्दर विधान, गणतंत्रोॅ केॅ
पहुँची अपनोॅ मतदान-केन्द्र,
मतदान करी, मुसुकान भरोॅ
मतदान करोॅ...
