भारत की संस्कृति के लिए... भाषा की उन्नति के लिए... साहित्य के प्रसार के लिए
मनै पाटी कोन्या जाण, बाहण या कोण लुगाई सै / ललित कुमार
Kavita Kosh से
मनै पाटी कोन्या जाण, बाहण या कोण लुगाई सै,
इसका चन्द्रमा सा नूर-हूर, इसी कितै आई सै || टेक ||
सूर्य सुता तप्ती सा चेहरा, मन मोह लिया इसनै मेरा,
यो कीचक भाई मरैगा तेरा, इब मेरी करड़ाई सै ||
या मृगानयनी फिरै महल मै, रहै दासी बणकै तेरी टहल मैं,
जै ब्याह होज्या इसकी गैल मै, तो स्वर्ग की राही सै ||
रम्भा-उर्वशी मेनका प्यारी, ये इंद्र की परी फ़ैल सै सारी,
गात मै चमक तेग दुधारी, जणू तुर्त साण पै लायी सै ||
तूं बात मानले बहना मेरी, भावज बणाले इसनै तेरी,
कहै ललित मत लावै देरी, मेरा दिखै भाग सवाई सै ||
