भारत की संस्कृति के लिए... भाषा की उन्नति के लिए... साहित्य के प्रसार के लिए
माधव! मो सम कौन अभागी / हनुमानप्रसाद पोद्दार
Kavita Kosh से
माधव! मो सम कौन अभागी॥
करौं न पलक याद मैं तुहरी, नाहिं भगति उर जागी।
हाय-हाय करतहि दिन बीतत, जरौं नित्य चिंतागी॥
भय-बिषाद सौं भर्यौ रहौं, नित भटकत इत-उत भागी।
मिलत न कतहुँ सांति-सुखमय थल, भोग-जगत जेहि लागी॥
नाथ! करहु अब सहज कृपा तुम, जागै तव बिरहागी।
बनौं तुम्हारे पद-कमलनि कौ लघु सेवक बड़भागी॥
