भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

मान्छेलाई / कृष्णभक्त श्रेष्ठ

Kavita Kosh से
यहाँ जाएँ: भ्रमण, खोज

मान्छेलाई
हो, मात्र मान्छे भइदिए
पर्याप्त हुँदैनथ्यो र ।
भए–नभएका अलौकिक
दिव्यास्त्रहरू बटुलेर उसलाई
महान् योद्धा किन भनाउनुपरेको।
स्यालको जमातै पछि लगाएर
होहल्ला गराउँदै
महामानव किन बन्न खोजेको।
आँखा खोल्ने निहुँमा
भक्तजनहरूलाई अन्धो बनाएर
ईश्वरै पनि किन बन्नुपरेको।
मान्छेलाई
हो, मात्र मान्छे भइदिए
पर्याप्त हुँदैनथ्यो र ।