भारत की संस्कृति के लिए... भाषा की उन्नति के लिए... साहित्य के प्रसार के लिए
मायामा फुल्न चाहने फूल / गीता त्रिपाठी
Kavita Kosh से
आउन मेरो ओठमा हाँस आँखामा फुलेर
नजाऊ फेरि मनमा मेरो छलीझैँ डुलेर
जे छ त्यो मनमा खुलेर भन नलुकाऊ पिरती
तिम्रै छ जप, पूजा र पाठ छ तिम्रै आरती
अँधेरी रातमा धिप्धिपे बत्ती आँखामा बल्दछ
सकिए पनि तेलका थोपा आफैँ नै जल्दछ
वसन्तभरि फुलेर हाँस्दै शिशिरमा नभाग
त्यो माया मनको धोका हो भने दिलैमा नराख
म कति रोऊँ बस्ने यो बेला खुसीले रमाई
सहारा लिऊँ दुःखको बेला कुन हात समाई
अधुरो माया लगाई जीवन अपूरो नपार
मायामा फुल्न चाहने फूल भुलेर नमार
•
