भारत की संस्कृति के लिए... भाषा की उन्नति के लिए... साहित्य के प्रसार के लिए
माय / सकलदेव शर्मा
Kavita Kosh से
माय तेॅ माय छेकै
हमरोॅ अंतस में बैठलोॅ
जस के तस आइयो
सांस ले रहलोॅ छै ।
देह नै छै तेॅ कि
बिना देह के
उ हमारा मेॅ जिंदा छै ।
जा तक हम्मे जिंदा छियै
हमरोॅ संग हमरोॅ
माइयो जिंदा रहतै ।
जन्मौती के पैहिने
हम्मे रहियै
माय के अंतस या
ओकरोॅ सांस-सांस मेॅ !
आबे तेॅ माइये छै हमरोॅ
सांस-सांस आ अंतस मेॅ
तोहीं कहोॅ हमारा बिना -
माय केना रहतै
या माय के बिना
हममे केना रहबै ?
