भारत की संस्कृति के लिए... भाषा की उन्नति के लिए... साहित्य के प्रसार के लिए
मिनख-अेक / ॠतुप्रिया
Kavita Kosh से
आखै जग में
घणांई मिनख है
जिका
पंखेरुआं स्यूं बात करै
ढांढां स्यूं बात करै
खेतां स्यूं बात करै
रूंखां स्यूं बात करै
तळाव स्यूं बात करै
नदी स्यूं बात करै
समंदर स्यूं बात करै
अकास स्यूं बात करै
पताळ स्यूं बात करै
भींतां स्यूं बात करै
पण
नां कदी
खुद स्यूं बात करै
अर
नां किणी
मिनख स्यूं बात करै।
