भारत की संस्कृति के लिए... भाषा की उन्नति के लिए... साहित्य के प्रसार के लिए
मुकरी-1 / राहुल शिवाय
Kavita Kosh से
बूरा वख्त मेॅ आबै काम
करै वों दिन भर बस आराम
खाना खाबै छै जें सुक्खा
के सखि जाता? नै सखि चुक्का
दुनिया भर केॅ नाच-नचाबै
छोटका-बड़का काम कराबै
सब गुलाम, नेता या मुखिया
के सखि भगवन? नै सखि रुपया
सौंसे जग केॅ राह दिखाबै
सब्भे दुविधा केॅ सुलझाबै
छोड़े मन पेॅ अमिट निशानी
के सखि साजन? नै सखि ज्ञानी
हँसी-खुशी जें मन मेॅ लाबै
बच्चा सब के मन केॅ भाबै
करै नौकरिया सब नेॅ प्यार
के सखि पैसा? नै एतवार
पहरा दै छै सबके घर मेॅ
बैठै छै घर के बाहर मेॅ
धन-दौलत के जे रखवाला
के सखि पुलिस? नै सखि ताला
