Last modified on 28 जुलाई 2020, at 15:38

मूर्त अमूर्त मृत्यु ५ / सुदीप पाख्रिन

जब-जब
बच्चा-मृत्युहरु
मेरो अगाडि
मेरो मौनतालाई अलिकति पनि
भंग नगरी उफ्रनेछन्,
खेल्नेछन्
आसपास, तेलकासा, डंडीबियोका खेलहरु

उम्रनेछन्
बच्चा-मृत्युहरु
मेरो वरिपरि गुलाफ बनेर
म काँडाहरुको थोरै पनि वास्ता नराखी
गुलाफजस्ता मृत्युहरुको
सुगन्धमा रमाइरहेको हुन्छु

खिल्ली उडाइरहेको हुनेछु
पर...
उङ्गेर बसिरहेको
बृद्ध जिन्दगीको
जब... जब...