भारत की संस्कृति के लिए... भाषा की उन्नति के लिए... साहित्य के प्रसार के लिए
मैणत री सातां दुमणी सी लागी जद / भंवर कसाना
Kavita Kosh से
मैणत री सातां दुमणी सी लागी जद
हाथां री लीकां कुमणी सी लागी जद
तिसणा रै कांकड़ में रूळगी अपणायत
मनसा चितबैंगी हिरणी सी लागी जद
ठायै रैयर कुण किण नै ठायै करसी
जिनगाणी घणचक्कर घिरणी सी लागी जद
खुद ही हाथां सूं उठा राळदी अेके कानी
आपांळी जाजम जमणी सी लागी जद
पोथी रचणी छोड बैचता दीख्या पंडत
करणी सगळी भरणी सी लागी जद
