भारत की संस्कृति के लिए... भाषा की उन्नति के लिए... साहित्य के प्रसार के लिए
म्हारा सपम्मपाट / हरीश बी० शर्मा
Kavita Kosh से
हिन्दी शब्दों के अर्थ उपलब्ध हैं। शब्द पर डबल क्लिक करें। अन्य शब्दों पर कार्य जारी है।
लोग बाग पूछै है -
‘जबरो है तूं
कवितावां बणावै है
थारै मन में
इसी बातां कीकर आवै है।
ए सबद नूंवां-नूंवां
तूं कठै सूं लावै है,
अठै तो इसा विचार ही आवै कोनी।
म्हैं सोचूं-
बावळा
आ बात तो तूं जाणै
कै म्हैं कवितावां बणाऊ हूं
कुण किण नैं बणावै है
आ बात तो
म्हारो जीव जाणै है।
