भारत की संस्कृति के लिए... भाषा की उन्नति के लिए... साहित्य के प्रसार के लिए
यार मण्डली / श्यामदास वैष्णव
Kavita Kosh से
व्याप्त भएझै लाग्छ अहिले
जताततै नै यार मण्डली
यद्यपि भन्न उचित नहोला
काम नलाग्ने सञ्चार मण्डली ।।
मुखले देश र जनहितको
कुरा गरी टोपल्ने
कामले भने
देश र जनहित विपरीत लाग्ने
देखिन लागेका छन् यसबेला
अनेकौं अनेक अवतार मण्डली
संघ शक्ति कलौ युगे
लाई साकार गरी
गरी कचिंगल अनेकौं
आफ्नो झोला भरी
निर्लज्जतापूर्वक खडा हुँदाछन्
छलकारी व्यवहारे मण्डली ।
स्वतन्त्रताको बहानामा
मनपरी गर्न खोज्ने
बुद्धि ववेक गुमाई
थुकको आँसु झार्ने
प्रगतिशील भनाइ गुड्ने गर्छन्
अनेकौं कार मण्डली
हिमवत्खण्डको
आत्मीय गौरवलाई बिर्सेर
के के न गरेँ भन्ठानेर
गतिमति त्यागी रिङिरहेछन्
अविचार मण्डली
यार मण्डली…
