भारत की संस्कृति के लिए... भाषा की उन्नति के लिए... साहित्य के प्रसार के लिए
रागनी 11 / विजेन्द्र सिंह 'फौजी'
Kavita Kosh से
सुण ल्यो रै भाईयो थम तैयारी कर ल्यो
अपणी राईफल म्हं गोली भर ल्यो
टाईगर हिल पै जाणा सै दुश्मन को मजा चखाणा सै
हाम वीर सिपाही लड़ा इसी लड़ाई
दुश्मन की रै करां खुब धुनाई
आज पक्का कब्जा छुटाणा
सै दुश्मन को मार गिराणा सै
थम जोश जगाओ आगै कदम बढ़ाओ
खड़े दुश्मन सामी उनैं मार गिराओ
ना सोच म्हं टेम गवाणा सै
यो काम आज कर कै दिखाणा सै
म्हारे अटल इरादे करो मिल कै वादे
आज टाईगर हिल पै झंडा फहरादें
एक दिन सबने मर ज्याणा सै
नाम किमे कर ज्याणा सै
कहै जाट विजेन्द्र उठै झाल समन्दर
दुश्मन बड़गे सिमा के अन्दर
बिल्कुल ना घबराणा सै
गुण ईश्वर का गाणा सै
तर्ज-दिल जंगली कबुतर
