राम जी जे अइलें पहूनवाँ गुजराइची लाइची / महेन्द्र मिश्र

राम जी जे अइलें पहूनवाँ गुजराइची लाइची।
देखेके भइले बहार हे गुजराइची लाइची।
लछुमन का सोहे रूमाल हो गुजराइची लाइची।
कबहुँ ना देखनीं ना सूननी गुंजराइची लाइची।
अइसन वर सुकुमार हे गुंजराइची लाइची।
गारी पियारी ससुरारी के गुंजराइची लाइची।
सारी से सरहज दुलारी हे, गुंजराइची लाइची।
सारी से सरहज दुलारी हे, गुंजराइची लाइची।
रामजी के राखब भोराई के गुंजराइची लाइची।