भारत की संस्कृति के लिए... भाषा की उन्नति के लिए... साहित्य के प्रसार के लिए

रेत (छव) / राजेन्द्र जोशी

Kavita Kosh से
यहाँ जाएँ: भ्रमण, खोज

कित्तो धीजो राखै
हिवड़ै री गैराई मांय
इण तपतै जेठ रै दोपारै।

नाप लीनो पारो
जेठ बदी अर सुदी रो
फकत कोर्ई मीटर
रेत रो पारो ई नाप लेवतो
सूरज रै हेठै
रेत री गैराई रो।

आखै दिन तपै
अर सिंझ्या पछै
भूल जावै दिन री तपत
गावण लागै
चांदै भेळी बजावै मिरदंग
तारां सूं टकरावती
अेकली
भळै सूरज रो सैनाण देंवती
नीं थकै भोर तांई
गीत प्रीत रा गावै
सोनलिया रेत।