लगातार पल-पल समय चल रहल बा / सूर्यदेव पाठक 'पराग'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

सूर्यदेव पाठक 'पराग' » भँवर में नाव »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

लगातार पल-पल समय चल रहल बा
रूक रह के घोड़ा ई, मुसकिल कहल बा

इहाँ कोई अहथिर ना धरती पर आके
समय सबके साथे करत छल रहल बा

ई तन मोम जइसन बनावल गइल बा
जरत बाती जइसन गिरत गल रहल बा

नियति के नियम से बन्हल बा जगत ई
सूरूज आसमाँ में उगल, ढल रहल बा

पता ना कहाँ साँस कब रोक जाई
तमन्ना हृदय में तबो पल रहल बा

भइल द्वेष-ईर्ष्या से मन सबके पागल
अहंकार से तन-बदन जल रहल बा

सभे शक्ति के होड़ में हड़बड़ाइल
महानाश के ई घड़ी टल रहल बा