भारत की संस्कृति के लिए... भाषा की उन्नति के लिए... साहित्य के प्रसार के लिए
ललित पद - 6 / पल पल जो परलाउ / हरि दिलगीर
Kavita Kosh से
आई मुंद बहारीअ जी आ, उभिरिया मस्त उमंग,
आउ त अर्शनि मंझि उॾायूं, पल पल संदा पतंग।
आई मुंद बहारीअ जी आ, सोनहिरी सुरहाणि,
गुलु गुलु दीपक जां थो चमिके, चौधारी चांडाणि।
आई मुंद बहारीअ जी आ, अंदर मंझि उलासु,
मन जे बन जा सैर करियूं अॼु, सुरहो थिर हर स्वासु।
आई मुंद बहारीअ जी आ, खिड़ी पियो आ खेटु,
मन जो मोरु नचे मस्तीअ में, चित में चमिके चेटु।
आई मुंद बहारीअ जी आ, उॾिरूं थी पोपट्ट,
सींगारियूं रोशन गुलिड़नि सां, उभ ते पंहिंजी खट्ट।