लाख दीया जरलक घर-अगना
मन के एक दीया जर न सकल
जिनगी के अन्हर-झक्कर में
ऊ मन के कोनो बात न कह सकल
लाख दिया...
कइसन आन्ही कइसन पानी
कइसन रहे दाहर के पानी
सबके टारइत-टारइत अइली
हौसला हम्मर कम न हो सकल
लाख दिया...
फूल खिलल पत्ताा हरिआएल
रउदा पाकऽ मन हरसाएल
कोयल कुहकल, पपीहा गएलक
हमरा सुर के साज मिल न सकल
लाख दिया...
सांझ भेल सुरूज नुकाएल
चान असमान में इठलाएल
चातक के हए भाग जागल
हम्मर भाग के रात ढल न सकल
लाख दिया...