लाल साईंअ जी जनम साखी ऐं पंजड़ा / लीला मामताणी
लाल साईंअ जी जनम साखी ऐं पंजड़ा
उॾेरे जी जनम साखी ॿुधो कनु लाए।
1.
ॾह सौ सत त संबतु हुयड़ो, मुसलमानी ज़ोरु थियड़ो
मिर्ख शाह थे राॼु कयड़ो - जु़ल्म सां फ़रमानु हलाए॥
2.
सॼीअ सिंधु ते हुकुमरानी - ठटो हुयसि राॼधानी।
आहियो वज़ीरु अभिमानी - छॾियाऊं रैयत कंबाए॥
3.
हाकिम कयो ही वीचारु - हिन्दू बि कनि दीनु अख़्तियार
इहो ॻुझिड़ो त समाचार - सुणायाईं आहियो सॾे॥
4.
ॿिन्ही ॼणनि ठहिराउ कयो - फिरी हरहंधि होको वियो।
सभु हिन्दु मुसलमान थियो - इसलामु छॾियो वधाए॥
5.
जणिया पंहिंजा लाहे - अचो चोटी कपाए।
क़ाज़ीअ कार हीअ कमाई - मिर्खु मानी पोइ खाए॥
6.
जप करे जिनि माला फेरी - तिनि जो शाहु थियो वेरी।
कएं मारे कयाऊं ढेरी - ॾिनाऊं मचिड़ो मचाए॥
7.
धर्म जो त ध्यानु धारे - विया पॻर जे डुआरे।
चारई वरण रिथ बिहारे - हलो हाकिम वटि चिताए॥
8.
ॾीन्दासीं न त धर्म काणि - जानि जोधा थी कुर्बान।
ॿी ॿोली कबी न हाणि - शल शाहु अर्जु़ अघाए॥
