लीम के छईहाँ मा चंदा के बारी मा / शकुंतला तरार

लीम के छईहाँ मा चंदा के बारी मा
फुरफुंदी धरे बर आ जाबे ना
दाई के अँचरा मा ददा के मया मा
फुगड़ी खेले बर आ जाबे ना

अमली के ठौर अउ आमा के मौर मा
घाट घटऊंदा अउ चिरगुन के सोर मा
परसा के फूल मा रे बरसा के चिखला मा
करमा गाये बर आ जाबे ना

बादर के संग-संग मन के चिकारा मा
लहलहावत सोन सही बाली के रंग मा
करिया किसान के झेंझरा कस फरिया मा
मछरी झोरे बर आ जाबे ना

माटी के गंध मा रे होरी के रंग मा
कोयली के कुहू-कुहू अउ खड़पड़ा के सोर मा
दाई के लोरी मा ददा के सपना मा
ददरिया गाये बर आ जाबे ना

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

लीम के छईहाँ मा चंदा के बारी मा / शकुंतला तरार

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग