भारत की संस्कृति के लिए... भाषा की उन्नति के लिए... साहित्य के प्रसार के लिए
लॼ अचे थी जॾहिं बि सोचां थो! / अर्जुन हासिद
Kavita Kosh से
लॼ अचे थी जॾहिं बि सोचां थो!
पर हुजां केॾो पंहिंजे भरिसां थो!
मूं थे सोचियो त हाणे चुप रहंदुसि,
केॾो लाचार आहियां मुरिकां थो!
कंहिं जे अहंकार ते चिड़ी थो पवां,
अहम पंहिंजे सां रोज़ गॾिजां थो!
भावनाउनि जा हार मुरिझायल,
वेठे-वेठे तॾहिं बि लरिज़ां थो!
हू ॾिसनि मूं ॾे मुंहं में घुंज विझी,
मां इन्हनि ज़ल्ज़लनि लइ तड़िफां थो!
केॾा आवाज़ अॼु फ़िज़ाउनि में,
कर त मोड़ियां थो, पर न जाॻां थो!
हर को पासो करे लंघियो हासिद,
चीज़ का पाण खे मां समझां थो!
