भारत की संस्कृति के लिए... भाषा की उन्नति के लिए... साहित्य के प्रसार के लिए
वरी कंहिं खे को ॾोरापो ॾिजे हा! / अर्जुन हासिद
Kavita Kosh से
वरी कंहिं खे को ॾोरापो ॾिजे हा!
मगर दिल खे बि को पंहिंजो लॻे हा!
परावा पंहिंजा सभु अहसास सांढियमि,
अची वहिंवार को मुरिकी मिले हा!
रुले थी जे़हन जे सोढ़ियुनि घिटियुनि में,
हवा सुरहाणि खे ॻोल्हे लहे हा!
सुञे रिण-पट में हिकड़ी राह मोॻी,
बणे हा लहर, सभु ॿोडे छॾे हा!
अकेलीअ शांति में पाछनि जे हेठां,
गुलनि जे बार खां टारी झुके हा!
वधायां हथु हा थोरो हॿकी हॿकी,
लॼारो अक्स को मन खे छुहे हा!
युगनि जे धुंध जहिड़ी ॻाल्हि हासिद,
वरी हुनखे चवणु, कंहिं खां पुॼे हा!
