भारत की संस्कृति के लिए... भाषा की उन्नति के लिए... साहित्य के प्रसार के लिए
विभाजन / सुमन पोखरेल
Kavita Kosh से
एउटा समय आयो
र त्यस समयले
टुक्राटुक्रा पार्ने कोशिस गर्यो समयलाई ।
टुक्रिएका ऐनाका टुक्राजस्तो
पूर्ण भएरै रह्यो हरेक टुक्रामा समय ।
समय टुक्रियो टुक्राटुक्रामा तर
भएन विभाजित ऊ
सोचिरहेछ मानिस
समयले टुक्याएथ्यो समय आफैँलाई
तर किन विभाजित भएन समय
र गराइदियो विभाजन मानिस मानिसका बीच ?
