<poem>
'''पद 241 से 250 तक'''
(245)
मेहि मूढ़ मन बहुत बिगोयो।
याके लिये सुनहु करूनामय, मैं जग जनमि-जनमि दुख रोयो।।
सीतल, मधुर, पियूष सहज सुख निकटहि रहत दूरि जनु खोयो।
बहु भाँतिन स्त्रम करत मोहबस,बृथहि मंदमति बारि बिलोयो।।
करम-कीच जिय जानि, सानिचित, चाहत कुटिल मलहि मल धोयो।
तृषावंत सुरसरि बिहाय सठ फिरि-फिरि बिकल अकास निचोयो।।
तुलसिदास प्रभु! कृपा करहु अब, मैं निज दोष कछू नहिं गोयो।
डासत ही बीति गयी निसा सब, कहहूँ न नाथ! नींद भरि सोयो।।
</poem>