922 bytes added,
21:45, 13 अक्टूबर 2011 {{KKGlobal}}
{{KKRachna
|रचनाकार=सांवर दइया
|संग्रह=आ सदी मिजळी मरै / सांवर दइया
}}
[[Category:मूल राजस्थानी भाषा]]
{{KKCatKavita}}<poem>घनख अंधारी रात, दीवो जगा
उजास चावै रात, दीवो जगा
बिना चांद टीकै ई पळकै रूप
मुळक उठै आ रात, दीवो जगा
बै जुगां सूं चींथै सुख-सांस नै
चवड़ै कर हर घात, दीवो जगा
इण जोत सूं जोत जगती जावै
जोत में करामात, दीवो जगा
म्हैं नीं रैवां, पण रैवै उजास
आ लाखीणी बात, दीवो जगा
</poem>