1,495 bytes added,
13:09, 2 मई 2019 {{KKGlobal}}
{{KKRachna
|रचनाकार=धनेश कोठारी
|अनुवादक=
|संग्रह=[[ज्यूंदाळ / धनेश कोठारी]]
}}
{{KKCatGadhwaliRachna}}
<poem>
अब तुम सिंग ह्वेग्यां
रंग्युं स्याळ् न बण्यांन्
सौं घैंटणौं सच छवां
कखि ख्याल न बण्यांन्
उचाणा का अग्याळ् छवां
ताड़ा का ज्युंदाळ् न बण्यांन्
थर्प्यां द्यब्ता छां हमखुणि
अयाळ् - बयाळ् न बण्यांन्
निसक्का कि ताणि छवां
तड़तड़ी उकाळ् न बण्यांन्
सैंन्वार जाणि हिटणान् सब्बि
च्वीलांण भ्याळ् न बण्यांन्
सना-सना बिंगौंणन् छ्विं
बन्दर फाळ् न मार्यान्
सांका परै कि खुद छवां
कुरघसिं काल न बण्यांन्
ज्युंदौं कि आस छवां
ज्युंरा कु ढाळ् न बण्यांन्
माथमि आशीष छवां
कखि गाळ् न बण्यान्
</poem>